Onlayn qəzet

Digər kateqoriyalar

Klod Vizler özü-özünü biabır edib - Deputat

15:00 25.05.2024 Siyasət 304
Lüksemburqun parlament sədri bəyanatı ilə mövcud reallıqdan nə qədər uzaq və məlumatsız olduğunu göstərdi

  “Lüksemburq parlamentinin sədrinin söylədiyi fikirlər təxribatçı və qərəzli, bölücü mahiyyəti ilə yanaşı həm də siyasi cəhətdən savadsız, geosiyasi situasiyanın diktə etdiyi reallığa və Ermənistanla Azərbaycan arasında davam edən sülh gündəminin hazırkı durumuna ziddir". Bu barədə Milli Məclisin iclasında deputat Elnur Allahverdiyev bildirib. Deputat deyib ki, Klod Vizler bu bəyanatı ilə mövcud reallıqdan nə qədər uzaq və məlumatsız olduğunu büruzə verməklə, əslində, özü-özünü yumşaq desək biabır edib: "Biz Azərbaycanda Lüksemburq kimi dünya siyasətində heç bir rolu olmayan bir dövlətin rəsmilərinin ölkəmizə qarşı qərəzinin haradan, daha doğrusu, hansı digər dövlətdən qaynaqlandığını yaxşı bilirik və Klod Visler kimilərinin həyəcanını başa düşürük. 2020-ci ilin 44 günlük müharibəsində və ötənilki antiterror əməliyyatındakı hərbi qələbələrimizdən sonra onlarla Vizlerəbənzər qərbli, avropalı, əsasən də fransalı siyasət adamlarının Ermənistana gəlib özlərini gülünc vəziyyətə qoyduqlarının şahidi olmuşuq. Onlar nəyə təsir edə biliblər ki, Klod Vizler də bu “uğur”u təkrarlaya bilsin? Bununla belə, yaxşı olardı ki, Lüksemburqun parlament sədri belə məsuliyyətsiz çıxışlar etmədən öncə ona verilən konspektlərdəki məlumatları dəqiqləşdirsin. Məsələn, Azərbaycan tərəfindən həbs edilən canilərin kimliklərinə dair ətraflı və obyektiv informasiya almağa çalışsın, onların insanlığa və bəşəriyyətə qarşı cinayət əməlləri barədə məlumatlı olsun. Cənab Vizlerin bilməsi yaxşı olar ki, o şəxslərin 30 il öncə qətl etdikləri azərbaycanlı qadın, uşaq, yaşlı insanların qalıqlarını biz indi tapıb üzə çıxarır, onillərdir gözü yaşlı qalmış ailələrinə təhvil veririk ki, dinimizə uyğun dəfn edilsinlər. Bu, həmin ailələr üçün böyük təsəllidir ki, doğmalarının heç olmasa məzarlarının yerlərini biləcəklər. Görəsən, Klod Vizlerin təmsil etdiyi ölkənin vətəndaşlarına qarşı belə amansızlıqlar etmiş canilərə münasibəti necə olar? Başqa bir dövlətin rəsmisi onlara “azadlıq” tələb edəndə, bu, Vizlerin ürəyincə olarmı? Belə çıxır ki, Ermənistan dövləti və rəsmiləri sözügedən canilərin mahiyyətinə bələddir deyə, onlarla bağlı bir kəlmə belə danışmır, ancaq uzaq və kiçik Lüksemburqun parlament sədri Qukasyanın, Saakyanın, Babayanın və başqalarının taleyindən narahatdır”.

Yazarın bütün yazılarına bax

Oxşar xəbərlər

post-slider
Ukraynanın NATO-ya üzv ola bilər? - RƏY 
19:17 26.11.2024
post-slider
ABŞ-Azərbaycan münasibətlərində yeni səhifə açılır -TƏHLIL
18:25 26.11.2024
post-slider
Trampın liderlik dönəmində sülh daha real görünür -Analiz
17:45 26.11.2024
post-slider
Milli Məclisin növbəti iclasının tarixi və gündəliyi açıqlanıb
17:38 26.11.2024
post-slider
Cemal Zehir: Ermənistanın sülhdən yan qaçdığı göz önündədir
17:32 26.11.2024
post-slider
Yeni XİN rəhbəri: Gürcüstan-Azərbaycan-Türkiyə üçtərəfli əməkdaşlığı mühüm regional format olaraq qalacaq
17:14 26.11.2024

Xəbər lenti

Hamısına bax