İstanbul Böyükşəhər Bələdiyyəsinin baş katibinin müavini Mahir Polatın saxlandığı Silivri həbsxanasında halı pisləşib və dərhal xəstəxanaya aparılıb.
Sherg.az xəbər verir ki, bir müddətdir yüksələn təzyiqi düşməyən Polatın Mehmet Akif Ersoy Ürək-Damar Cərrahiyyəsi Təhsil və Araşdırma Xəstəxanasına çatdırılıb.
Jandarma və polis qruplarının nəzarətində xəstəxanaya gətirilən Polata ilkin tibbi yardım göstərilib. Alınan məlumata görə, Mahir Polatın təzyiqinin yüksəldiyi və nəzarətdə saxlandığı öyrənilib.
Mahir Polatın müalicə aldığı xəstəxanada sağlamlıq vəziyyətinin izləndiyi və müayinələrdən sonra lazım gələrsə, anji olunacağı öyrənilib.
Digər tərəfdən, Polatın həyatı üçün təhlükə olmadığı və onun kardiologiya reanimasiya şöbəsində müşahidə altında saxlanıldığı bildirilib.
