ABŞ-nin keçmiş dövlət katibi və Demokratlar Partiyasından prezidentliyə namizəd Hillari Klinton hazırkı Ağ Ev rəhbəri Donald Trampın xarici siyasətinin səmərəli olduğunu bildirib.
Teleqraf xəbər verir ki, bu barədə o, “Fox News”a müsahibəsində danışıb.
"Son bir neçə ayda baş verən hadisələr məni həqiqətən də ruhlandırdı. Trampın ilk administrasiyası zamanı müşahidə etdiyimiz etinasız münasibət, daha aydın işgüzar münasibətlərlə əvəz olunub ki, bu da Avropanın təhlükəsizliyi, transatlantik təhlükəsizlik və ümid edirəm ki, Ukraynanın təhlükəsizliyi üçün faydalıdır", - o deyib.
