“Qərblə nüvə sazişinin bərpa edilməsi İranı İsraillə 12 günlük müharibədən yayındıra və BMT Təhlükəsizlik Şurasında “tətik mexanizmi”nin işə düşməsinin qarşısını ala bilərdi”.
Teleqraf xəbər verir ki, bunu İranın keçmiş prezidenti Həsən Ruhani deyib.
Sabiq prezident Qərblə, xüsusilə Avropa ölkələri ilə danışıqlara qayıtmağın vacibliyini vurğulayaraq, BMT sanksiyalarını bərpa edən “tətik mexanizmi”nin Təhlükəsizlik Şurasının gündəliyindən çıxarılmasının Tehranın və mümkün sazişin digər tərəflərinin maraqlarına xidmət etdiyini bildirib.
“Nüvə sazişi bərpa edilsə, bunun real faydaları olacaq, razılaşma özünü doğrultsaydı, 12 günlük müharibə üçün bəhanə də olmazdı”, - Ruhani qeyd edib.
Keçmiş prezident 2021-ci ildə sazişə qayıdışa mane olmağın İran üçün 500 milyard dollara başa gəldiyini açıqlayıb.
