Bu gün Tacikistanın paytaxtı Düşənbədə Azərbaycan Prezidenti İlham Əliyev və rusiyalı həmkarı Vladimir Putinin danışıqları keçiriləcək hökumət iqamətgahının ərazisi xüsusi tərzdə bəzədilib.
Teleqraf xəbər verir ki, bu barədə TASS məlumat yayıb.
Bildirilir ki, iqamətgahın həyəti müxtəlif meyvə və tərəvəzlərdən hazırlanmış böyük instalyasiyalarla bəzədilib.
Giriş hissəsində qarğıdalı, balqabaq, kələm, badımcan və müxtəlif növ bibərlərdən ibarət kompozisiyalar düzülüb. Çəmənlikdə almalar, portağallar, limonlar və üzüm dənələri ilə bədii naxışlar yaradılıb. Uzaq hissədə isə qarpız və yemişlərdən ucaldılmış piramidalar yerləşdirilib.
İqamətgahın giriş qapısı gül instalyasiyaları ilə bəzədilib, qonaqları isə qırmızı güllərdən hazırlanmış iri arka qarşılayır.
Qeyd edək ki, Düşənbədəki hökumət iqamətgahı Tacikistanın ən mötəbər rəsmi binalarından biridir. Burada dövlət başçılarının görüşləri, beynəlxalq konfranslar və yüksək səviyyəli tədbirlər keçirilir.
