Almaniyanın xarici işlər naziri Annalena Baerbok Beynəlxalq Cinayət Məhkəməsinin İsrailə qarşı çıxardığı hökmləri dəyərləndirib.
Sherg.az xəbər verir ki, Baerbok bu gün başlayacaq Avropa İttifaqı (Aİ) nazirlərinin toplantısından əvvəl verdiyi açıqlamada Dünya Məhkəməsinin İsraili Qəzza zolağının cənub hissəsinə hərbi hücumunu dərhal dayandırmağa çağıran qərarının məcburi olduğunu və bu qərara hörmət edilməli olduğunu bildirib.
Baerbok, həmçinin Almaniyanın Avropa İttifaqının (Aİ) Rəfahdakı sərhəd keçid missiyasının yenidən aktivləşdirilməsi ideyasını dəstəklədiyini qeyd edib.
Almaniyalı nazir İsrailin davam edən hücumlarından sonra məcburi köçkün vəziyyətinə düşmüş insanların məcburi miqrasiyasına toxunaraq, "Daha çox insan çadırlara sığınmaq məcburiyyətində qalacaqsa, heç bir İsrailli girov azad edilməyəcək" deyib.
“Beynəlxalq humanitar hüquq hər kəsə tətbiq edildiyi kimi, İsrailin müharibə aparmasına da şamil edilir”, o əlavə edib.
