Ədliyyə Nazirliyi təkrar qeydiyyatdan keçmək üçün müraciət edən deputat Fazil Mustafanın sədri olduğu Böyük Quruluş Partiyasının təqdim etdiyi üzv siyahılarını yoxlayıb.
Bu barədə partiyanın sədri məlumat verib.
Deputat bildirib ki, partiya 8408 nəfərlik siyahı təqdim edib, yoxlama zamanı 4000 nəfərin mübahisəli olduğu aşkar edilib. Nazirlik partiyaya 3012 nəfərin məlumatlarında dəqiqləşməyə ehtiyac olduğunu bildirib.
Problemlərin aradan qaldırılması üçün 1 ay vaxt verilib.
Qeyd edək ki, Azərbaycanda siyasi partiyaların təkrar qeydiyyata alınması prosesi həyata keçirilir. 27 siyasi partiya üzvlərinin siyahısı Ədliyyə Nazirliyinə təqdim olunub. Nöqsanlar aşkar olunmuş partiyalara çatışmazlıqların aradan qaldırılması üçün 30 gün vaxt verilib.
Hazırda qeydiyyatdan keçən yeganə partiya YAP-dır.
