Amerikanın nüfuzlu jurnalı "Newsweek", Prezident Rəcəb Tayyib Ərdoğanı "dünyanın ən güclü liderlərindən biri" adlandırıb və onu Donald Trampın əsas müttəfiqi kimi təqdim edib.
Sherg.az xəbər verir ki, jurnal Ərdoğanın uğurlarını və artan beynəlxalq nüfuzunu təhlil edərək, onu 21-ci əsrin ən mühüm strateji liderlərindən biri kimi qiymətləndirib.
Ərdoğan son vaxtlar PKK-nın ləğvindən tutmuş, Suriyaya sanksiyaların qaldırılmasına və ABŞ-ın Suriya lideri Əhməd Şara ilə görüşünə qədər bir çox diplomatik prosesdə əsas rol oynayıb. Türkiyə həmçinin İran-Avropa nüvə danışıqları və Rusiya-Ukrayna müzakirələrinə ev sahibliyi edib.
Prezidentin müşaviri Çağrı Erhan, Ərdoğanın uğurunu dörd əsas faktora bağlayaraq onun etibarlı və təsirli lider olduğunu bildirib. ABŞ-ın keçmiş səfiri Ceyms Cefri də Türkiyənin son 25 ildə geosiyasi təsirini əhəmiyyətli dərəcədə artırdığını qeyd edib.
"Newsweek"-in təhlilinə görə, Trampın ikinci dönəmində Avropa ilə münasibətlərin zəifləməsi fonunda ABŞ-ın Türkiyə kimi təsirli müttəfiqlərə ehtiyacı artır. ABŞ-ın ehtiyac duyduğu "yetkin, təsirli və uyğun tərəfdaş" kimi Türkiyə ön plana çıxır.
ABD ordusunun təqaüddə olan polkovniki Riçard Outzen isə Türkiyənin geosiyasi yüksəlişini "21-ci əsrin ən mühüm strateji hadisələrindən biri" adlandırıb.
