Martın 5-də Ankarada İğdır-Naxçıvan qaz kəmərinin videobağlantı formatında açılış mərasimi keçirilib. Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan tədbirdə iştirak ediblər.
Açılış mərasimində çıxış edən Azərbaycanın energetika naziri Pərviz Şahbazov bildirdi ki, İğdır-Naxçıvan qaz boru kəməri layihəsi Naxçıvanın qaz təchizatını şaxələndirməklə yanaşı, həm Naxçıvan, həm də İğdır əhalisinin rifahına xidmət edəcək. Layihənin daha bir özəlliyi ondan ibarətdir ki, bu gün kəmərin maksimum ötürmə gücü 730 milyon kubmetrdirsə, gələcəkdə layihənin genişləndirilməsi imkanları da var.
Milli Məclisin deputatı Azər Badamov "Sherg.az"a bildirib ki, Azərbaycan və Türkiyənin Prezidentlərinin iştirakı ilə açılışı edilmiş İğdır-Naxçıvan qaz boru kəməri Naxçıvanın mavi yanacaqla təminatı baxımdan böyük əhəmiyyət daşıyır:
"Bu kəmər 80 km uzunluqda olmaqla gündəlik 2 milyon qaz nəql edərək ən azı 30 ildə təminatı həyata keçirəcək. Gələcəkdə boru xəttinin ötürmə gücünü hazırdakından daha da artırmaq imkanına malikdir. Gələcəkdə isə elektrik xətlər və dəmir yolu da çəkilməklə Naxçıvandan Türkiyəyə bağlantılarımız genişlənəcək. Zəngəzur dəhlizi açılandan sonra isə bu gün Türkiyədən enerji resursları idxal olunan marşutular gələcəkdə Naxçıvandan Türkiyəyə ixrac edilməsi üçün istifadə olunacaq. Çünki, Zəngəzur dəhlizinin açılması başlıca hədəflərimizdəndir və bu dəhliz vasitəsilə həm də enerji ixrac xətləri çəkiləcək. Bu gün Naxçıvanla Türkiyə arasında tikilən nəqliyyayat kommunikasiytaları və enerji ixrac xətləri uzun illər xalaqlarımızın rifahının yaxşılaşmasına və Türk dünyasının birləşməsinə, həm də xalqlarılmızın rifahına xidmət edəcək".
