Türkiyənin xarici siyasətindəki dinamikanı görmək üçün 2021-ci ilin yekunlarına baxmaq kifayətdir.
Trend-in məlumatına görə, bu fikirləri Türkiyənin xarici işlər naziri Mövlud Çavuşoğlu hakim Ədalət və İnkişaf Partiyasının Ankara vilayət təşkilatının məşvərət qrupunun Antalyada keçirilən toplantısında çıxışı zamanı deyib.
Azərbaycanın İkinci Qarabağ müharibəsində qazandığı şanlı Qələbədən bəhs edən nazir diqqətə çatdırıb ki, ölkələrlə münasibətləri normallaşdırmaq Türkiyənin xarici siyasətində prioritetdir. Azərbaycanın Qarabağda qazandığı Zəfərdən sonra Qafqazda normallaşma üçün addımlar atırıq. Onilliklər ərzində münasibətlərdə problemlər yaşadığımız ölkələrlə əlaqələrin normallaşması mühüm istiqamətdir.
