
Yeni Azərbaycanın qurulması dövrü gəlib çatıb
13:46 22.06.2024
Siyasət
603
Siyasi islahatlar dərinləşir
Milli Məclis Yeni Azərbaycan Partiyasını parlamentdə təmsil edən bəzi millət vəkillərinin təklifinə əsasən növbədənkənar deputat seçkilərinin keçirilməsi üçün Prezidentə müraciət ünvanlayıb. Vurğulanıb ki, indiki zamanda belə bir müraciət edilməsinin bir neçə səbəbi var. Səbəblərdən biri ilk dəfə bütün ölkə ərazisində keçirilmiş prezident seçkilərindən sonra Azərbaycanda yeni dövrün tələbinə uyğun parlamentin formalaşdırılmasının zəruriliyidir. Növbəti seçkilərdə müstəqillik dövründə ilk dəfə olaraq Qarabağ və Zəngəzuru təmsil edən millət vəkilləri məhz bu ərazilərdə keçirilən seçkilər nəticəsində mandat alacaqlar. Parlament seçkilərinin növbədənkənar keçirilməsini zəruri edən əsas səbəb isə seçkilərin vaxtının COP29 sammiti ilə eyni vaxta düşməsidir. Parlament seçkiləri 2024-cü il noyabrında keçirilməli idi. Amma həmin ay Azərbaycanda COP29 keçiriləcək. Belə bir mötəbər tədbirlə eyni vaxtda seçki kampaniyasının təşkili və səsvermənin keçirilməsi mümkün deyil. Seçkilərin vaxtının dəyişməsi həm COP29-u layiqli şəkildə keçirməyə imkan verəcək, həm də bu mötəbər tədbir zamanı ölkə parlamentinin tam fəaliyyətdə olması təmin ediləcək. YAP-dan olan deputatlar məhz bu arqumentlər əsasında parlamentin buraxılması, vaxtından 2 ay əvvəl növbədənkənar seçkilərin keçirilməsi təşəbbüsü ilə çıxış ediblər.
Politoloq Abutalıb Səmədov "Sherg.az"a açıqlamasında bunun gözlənilən addım olduğunu deyib. Analitikin qənaətincə, həqiqətən də, prezident seçkiləri yeni dövrün başlanğıcını qoydu:

"Azərbaycanın suverenliyi bütün ərazimizdə təmin olundu. Qarabağ məsələsi tamamilə həll edildi. Azərbaycan öz tarixində, müstəqillik dövründə ilk dəfə ərazi bütövlüyünü bərpa etdi. Siyasi islahatların daha da dərinləşməsi, sözün həqiqi mənasında yeni Azərbaycanın qurulması dövrü gəlib çatdı. İndiyə qədər münaqişə və Qarabağ məsələsi bizə həddindən artıq mane olurdu. Dəfələrlə elan olunmasına baxmayaraq, islahatların dərinləşməsi istiqamətində arzuolunan addımlar atmaq mümkün olmurdu. Əlbəttə, digər səbəblər də mühümdür. Məsələn, noyabr ayında tariximizin ən mötəbər beynəlxalq tədbirini keçirəcəyik. COP29 tələb edir ki, seçkilər bir qədər önə çəkilsin, tədbirlə eyni aya, günlərə təsadüf etməsin. Yeni Azərbaycan Partiyasının belə bir təşəbbüslə çıxış etməsi və Milli Məclisin də bunu qəbul edərək parlamentin buraxılması üçün dövlət başçısına müraciəti təqdirəlayiq və alqışlanmalı addımdır. Ümid edirik, yeni parlament dövrün tələblərinə, müasir çağırışlara cavab vermək iqtidarında olacaq".
Oxşar xəbərlər
Xəbər lenti
Hamısına bax
Bərdədə piyadanı avtomobil vuraraq öldürüb
21:16 18.11.2026
Hadisə
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya