Bakının Sabunçu rayonunda evdə ailə-məişət zəminində dava zamanı ata bıçaqlanıb.Albalılıq yaşayış massivi ərazisində 1987-ci il təvəllüdlü Xəlilov Elman Oqtay oğlu qarınının ön divarının kəsilmiş-deşilmiş diaqnozu ilə Sabunçu Tibb Mərkəzinə yerləşdirilib. Bıçaqlanan şəxsin yaxınları bildirib ki, E.Xəlilov qızı tərəfindən bıçaqlanıb.Sabunçu Rayon Polis İdarəsinin əməkdaşları hadisəni törətməkdə şübhəli bilinən qızı saxlayıb.
Məsələ ilə bağlı "Sherg.az"a açıqlama verən psixoloq Elmir Əkbər bildirib ki, günü-gündən cəmiyyətdə aqressiya, qəzəb hissi artır:
"Onlar öz emosiyyalarını, hirslərini nəzarət edə bilmirlər. Bunun özü də psixoloji bir xəstəlikdir. Koronovirus pandemiyyasından sonra panik atak, təşviş, həyacan pozuntusu, depressiya və emosional problemlər yüksəlməyə başlayıb. Maraqlıdır, 36 yaşlı qızın atasının neçə yaşı var? Yəni, o qız atanı öldürmək iqtidarındadırmı? Qız atasını öldürürsə, burda artıq özəl olan bir çox məqamlar var. Hər bir halda bu ailənin çox ciddi psixoloji problemi olub. Azərbaycanda bütün bu kimi hadisələrin yaşanmasının birinci səbəbi cəhalətdir. Yəni onlar anlamaq və qəbul etmək istəmirlər ki, zəmanə dəyişib. İndiki dövrdə həkim-psixoterapevt və psixoloq olmadan ailə düzəlmir. Qərb ölkələrində vətəndaşlar mütəmadi olaraq psixoterapevtə müraciət edirlər”.
Ekspert vurğulayıb ki, cəhalətin qurbanı olan ailələrdə ciddi psixi problemlər yaşanır:
“Əslində bu qətl hadisəsində ölənində, öldürənində bir sözlə, bütün ailənin günahı var. Çünki vaxtında cahillik edərək psixoterapevtdən qaçmasaydılar bu problemin qarşısını almaq olacaqdı. Necə ki, bütün dünyada bunun qarşısını alırlar. Elə ölkəmizdə də kömək istəyən bütün xəstələrə yardım etmişik. Burada digər məsələ biganəlikdir. İnsanlar bir-birinə qarşı biganədilər. Nəinki, kömək etmək, doğru yoldan belə yayındırırlar”.
