Bəziləri səhvən düşünür ki, kitab oxumaq müasir texnolji dövrdə lazımsız vaxt itkisidir və kitabın faydası haqda formalaşmış fikirlər şişirdilir.
Kitab erasının geridə qalmasını və bunun sadəcə köhnədən qalma bir stereotip olmasını düşünənlər əfsuslar olsun az deyil.
Amma araşdırmalar bunun tam əksini sübut edir. Amerikalı ekspertlər belə qənaətə gəliblər ki, ən azı hərdən əllərində kitab tutan insanlarda oxumayan həmyaşıdları ilə müqayisədə erkən ölüm riskinin dörddə bir dəfə azdır.
Tibb və fəlsəfə elmləri doktoru, tanınmış həkim Şəmsiyyə Namazlı "Sherg.az"a açıqlamasında bildirib ki, insan özünü uşaqlıq dövründən kitab oxumağa öyrəşdirməlidir:
“Kitab oxumaq yaddaşın gücləndirilməsi, insanın diqqətinin bir nöqtəyə cəmləşdirilməsi, zehnin aktivləşdirilməsi, yuxunun normaya düşməsi və beynin sinir neyronlarında impulsların ötürülməsində çox önəmli rol oynayır. Əlbəttə ki, daim kitab oxuyan insanda bu faktorlar hər zaman stabil vəziyyətdə olur. Bəzən elə adamlar da var ki, ümumiyyətlə kitab oxumur, ancaq yuxuya getmək üçün kitab açır bir iki sətir oxuyur. Bu da onun üçün sanki yuxu dərmanı kimi qəbul edilmiş olur. Kitab oxumaq beyni məşq etdirmək deməkdir. Bütün orqanlarda qan dövranı yaxşılaşır, əzələlər inkişaf edir”.
