Ötən il Uşaq Ailələrə Dəstək Mərkəzlərinin əməkdaşları tərəfindən 1159 ailəyə səfər edilib.
Teleqraf xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova Komitənin 2025-ci ildə fəaliyyətinin yekunlarına dair Kollegiya iclasında deyib.
O bildirib ki, bu səfərlərin 560-ı təhsildən yayınma, erkən evlilik, məişət zorakılığı, ailə mübahisələri, uşaqla ünsiyyət, qəyyumluq və himayə məsələləri ilə bağlı olub.
"Həmçinin erkən evlilik faktları üzrə 36 ailəyə səfər edilib, 22 halın qarşısı alınıb, 81 uşaq təhsilə cəlb edilib", - sədr vurğulayıb.
