"California Girls", "Dark Horse" və "Roar" kimi mahnıları ilə tanınan məşhur müğənni Keti Perri tezliklə kosmosa yollanacaq.
Sherg.az xəbər verir ki, "Amazon"un qurucusu Jeff Bezosa məxsus "Blue Origin" aerokosmik şirkəti tərəfindən planlaşdırılan səyahətə Aisha Bove, Amanda Nguyen, Gayle King, Kerianne Flynn və Lauren Sánchez kimi adlar daxil olacaq.
NS-31 missiyası çərçivəsində təxminən 10 dəqiqə çəkəcək kosmos səyahətinin tarixi açıqlanıb. "New Shepard" adlı raketlə həyata keçirilməsi planlaşdırılan kosmosa uçuş aprelin 14-də baş tutacaq.
Perri İnstaqram hesabında "Mənə kosmosa gedən ilk qadın ekipajın bir hissəsi olacağımı desəydiniz, sizə inanardım... Uşaqlıqdan mənim təxəyyülümün çata bilmədiyi heç nə yoxdur" deyə yazıb.
Başqa bir xəbərə görə, Keti Perri qastrol səfərinə də hazırlaşır. Turun başlamasına sayılı günlər qalsa da, məlum olub ki, konsert biletləri hələ də satılmayıb.
