"Ad günün mübarək, sevgilim"
Aktrisa Hazal Subaşı ilə müğənni sevgilisi Oğuzhan Koçun eşqi bütün sürəti ilə davam edir. Subaşı, 40 yaşına girən sevgilisinin ad gününü romantik bir paylaşım ilə təbrik edib.
Sherg.azxəbər verir ki, aktyorluq və müğənnilik karyerası ilə yanaşı, şəxsi həyatı ilə də tez-tez gündəmə gələn Oğuzhan Koç, 2022-ci ildə aktrisa Demet Özdemir ilə evlənmiş, bir il sonra boşanmışdı. Özdemir ilə bitən evlilikdən sonra məşhur müğənni gözəl aktrisa Hazal Subaşı ilə yeni bir eşqə yelkən açmışdı.
Məşhur cütlük xoşbəxtlik pozlarını sosial mediada paylaşmağa davam edir.
"Adını Sen Koy", "Çukur", "Dilek Taşı", "Sahipsizler" kimi bir çox layihədə rol alan uğurlu aktrisa Hazal Subaşı sosial media hesabından romantik bir paylaşım edərək sevgilisinin doğum gününü təbrik edib.
Gözəl aktrisa, 40 yaşını qeyd edən sevgilisi ilə romantik fotolarını izləyiciləri ilə paylaşıb.
Subaşı paylaşımına "Ad günün mübarək, sevgilim" qeydini yazıb.
