Ukrayna Rusiyanın İrkutsk və Murmansk vilayətlərindəki strateji aviasiya aerodromlarına hücum edən pilotsuz uçuş aparatlarının fotolarını yayıb.
APA xəbər verir ki, "Pautina" adlı əməliyyatın il yarıma hazırlandığı, əvvəlcə FPV PUA-larının, sonra isə mobil taxta konteynerlər Rusiyaya gətirildiyi bildirilib.
Rusiyada dronlar konteynerlərə yerləşdirilib və lazımi anda konteynerlərin qapaqları məsafədən idarə olunmaqla açılıb, PUA-lar havaya buraxılıb.
Qeyd edək ki, bu gün Ukrayna Rusiyanın Murmansk, İrkuts, Ryazan və İvanovo vilayətlərindəki hərbi strateji aviasiya aerodromlarına PUA zərbələri endirib.
PUA zərbələri Ukrayna ərazisindən deyil, hərbi obyektlərə yaxın məsafədə park edilən yük avtomobillərində sputnik vasitəsi idarə olunaraq həyata keçirilib.
Ukrayna tərəfi kütləvi PUA zərbələri nəticəsində həmin aerodromlardakı 40 Tu-95MC strateji bombardmançı Rusiya hərbi təyyarəsinin məhv olunduğunu açıqlayıb.
Rusiya Müdafiə Nazirliyi hələlik məlumatı təsdiq etməyib.
