Dünyaca məşhur Hollivud ulduzu Bred Pitt daşınmaz əmlak yatırımlarına daha birini əlavə edib. Pitt, Los-Ancelesin ən prestijli bölgələrindən biri olan Outpost Estatesdə ispan üslubunda möhtəşəm bir malikanə satın alıb.
Sherg.az xəbər verir ki, tam 12 milyon dollar dəyərindəki bu dəbdəbəli ev həm mənzərəsi, həm də memarlığı ilə göz oxşayır.
Hollivudun ən tanınmış simalarından olan Bred Pitt, son dövrlərdə yaşadığı təhlükəsizlik problemlərinin ardından mühüm qərar qəbul edib. Məşhur aktyor həm komfortu, həm də təhlükəsizliyi ön planda tutaraq ultra lüks və yüksək mühafizə olunan yeni malikanəyə köçüb.
6 yataq otağı və 8 hamamı olan malikanə; xüsusi kino zalı, şəhər mərkəzindən okeana qədər uzanan panoramik mənzərəsi ilə geniş açıq sahələrə və güclü təhlükəsizlik tədbirlərinə malikdir.
Məşhur aktyora yaxın çevrədən verilən məlumata görə, bu köçün ən böyük səbəbi “təhlükəsizlik və məxfilik” ehtiyacı olub.
