Xalq artisti Flora Kərimova Xəzər televiziyasında yayımlanan “Dəyişən cavab” verilişində qonaq olub.
Kult.az xəbər verir ki, Flora Kərimova şəxsi həyatı ilə bağlı çox maraqlı etiraflar edib.
“İki dəfə ailə qurmuşam, üçüncü ailəm saxta olub. Çünki 20 ildən artıq məni xaricə buraxmayıblar. Hamı qastrola gedirdi, məni qoymurdular. İlhamə Quliyeva adımdan anonim məktublar yazırdı. Deyirdi ki, oxuya bilmir. Qızım üçün deyirdi ki, mənim övladım deyil, uşaq evindən götürmüşəm...
İlhamə Quliyeva ilə onun ailəsi danışmışdılar ki, evi əlimdən alsınlar və məni oradan çıxarsınlar. Üzərimə bıçaqla gəldilər.
Bizim üç avtomobilimiz var idi, onları da əlimizdən almaq istəyirdilər”.
Flora Kərimova həyat yoldaşı, cərrah İbrahim Topçubaşov və ikinci həyat yoldaşı Faiq Şəfiyev ilə İlhamə Quliyevanın münasibətinin olduğunu ilk dəfə açıqlayıb:
“Faiq və İbrahim məndən öncə İlhamə Quliyeva ilə münasibətdə olublar. Sonra hər ikisi mənimlə evləndilər".
