Türkiyəli aktrisa Pelin Akil haqqında yayılan evlilik xəbərlərinə sosial media hesabından cavab verib. Sherg.az xəbər verir ki, Akil iddiaların həqiqəti əks etdirmədiyini bildirib.
Akil paylaşımında evlənəcəyi ilə bağlı xəbərlərə münasibət bildirərək, “Belə bir şey yoxdur” deyə açıqlama verib. O, toyda özünün olub-olmadığına baxmağı tövsiyə edərək, yayılan xəbərlərin yanlış olduğunu vurğulayıb.
Pelin Akil və həmkarı Anıl Altan 2016-cı ildə evlənib. Cütlüyün 2019-cu ildə Alin və Lina adlı əkiz qızları dünyaya gəlib. Akil və Altan 27 avqust 2025-ci ildə yollarını ayırıb.
Akil yaxın günlərdə qatıldığı proqramlardan birində isə keçmiş həyat yoldaşının atalıq xüsusiyyətlərini yüksək qiymətləndirib. O, övladlarının qayğıkeş ataya sahib olmasından məmnun olduğunu və uşaqları üçün belə bir ata seçdiyinə görə xoşbəxt olduğunu bildirib.
