Son zamanlar 37 yaşlı Kuba əsilli aktrisa ilə Tom Kruzun tez-tez bir yerdə görünməsi onların münasibət yaşadığı şübhələrini gücləndirmişdi. Lakin Ana de Armas bu iddiaları rədd edib və yalnız iş birliyi olduğunu bildirib.
Sherg.az xəbər verir ki, hazırda “Ballerina” filmi ilə gündəmdə olan Ana de Armas deyib ki, Tom Kruz ilə eyni film layihəsində rol alacaqlar:
“Tom Kruz hər filmə dəstək verir. O, sənayenin və kinonun yaxşı getməsini istəyir, insanların kinoteatrlara getməsini arzulayır.”
Ana de Armas əlavə edib:
“Birlikdə çalışırıq, ona görə də o “Ballerina”yı izləyib və çox bəyənib. “John Wick” filmlərini də çox sevir.”
O, sözlərinə belə davam edib:
“Onun kimi birinin “Ballerina”yı dəstəkləməsi çox özəldir. Ümumilikdə digər aktyorların və insanların bir-birini dəstəkləməsi çox vacibdir. Birlikdə yaxşı işlər görə bilərik.”
