Usta aktyor Haluk Bilginer həm sənət həyatına, həm də şəxsi həyatına dair səmimi açıqlamalar verdi. O bildirib ki, aktyor olmamışdan əvvəl kimya mühəndisi və ya həkim olmaq istəyirmiş, amma 16 yaşına çatanda aktyor olmağa qərar verib. Orta məktəbdə özünü kəşf etdiyini deyən Bilginer sonradan konservatoriyaya getmək qərarı verdiyini qeyd edib.
Sherg.az xəbər verir ki, 20 ildən sonra verdiyi bir müsahibədə Bilginer, aktyor olmaq istəyən gənclərə də müraciət edib:
“Gənclər mənə soruşanda deyirəm: "Evdə yatıb yastığa başınızı qoyun və özünüzdən soruşun: Aktyorluqdan başqa bir şey edərək eyni dərəcədə xoşbəxt ola bilərəmmi?". Cavab "bəli"dirsə, heç vaxt aktyor olmayın. Çünki bu gül bağı deyil, çox tikanlıdır. İlk 40 il çətindir, ondan sonra bir az asanlaşır.”
Aktyor müsahibəsində “Yaxşı aktyor kimdir?” sualına belə cavab verib:
“Yaxşı aktyora tamaşaçı qərar verir. Aktyor olmaq "insan"’ olmaq deməkdir, "aktyor"’ kimi davranmaq deyil. Səhnəyə çıxanda aktyorluq qadağandır; insan kimi olmalısınız. Anın içində olmalısınız, planlaşdırmamalısınız.”
2024-cü ildə çəkilən “Maria” filmində birgə rol aldığı Ancelina Coli haqqında Bilginer bildirib:
“Çox yaxşı, səmimi və içdən bir insan. Heç bir "ulduz" havaları yoxdur. İnsan kimi insan. Çox aydın və siyasət baxımından doğru yerdə duran biridir.”
Bilginer rol olaraq Colini öpdüyünü də gülərək bildirib.
Xoşbəxtlikdən danışarkən Bilginer əlavə edib:
“Xoşbəxtlik mübarizə deməkdir. Oturduğun yerdə xoşbəxt ola bilməzsən. Biz öləcəyimizi bilən yeganə canlıyıq; buna görə prosesi qiymətləndirmək lazımdır. Dünyaya gəlmək böyük bir lotereyadır, buna görə "ölməyi haqq etmək" lazımdır.”
Sevgi haqqında da danışan usta aktyor bunları deyir:
“Sevgi özünü itirmək deməkdir. ‘Love is blind’ (Sevginin gözü korudur) ifadəsi Şekspirə aiddir. Elmi olaraq da sübut olunub; aşiq olduğunuz insana baxanda kriteryalar yox olur.”
Bilginer gündəlik həyatından da danışıb:
“Tək olanda çox sıxıcı və sakit oluram. Amma insanların içində olduğum zaman enerji alıram. Səhnəyə çıxanda hələ də həyəcanlanıram, amma bu həyəcanı enerjiyə çevirməyi öyrəndim. 24 saat çay dəmləyirəm, tam bir çay həvəskarıyam.”
