Suriyanın suverenliyi, ərazi bütövlüyü və birliyi tam bərpa edilməli, İsrailin təcavüzü dərhal dayandırılmalıdır.
Axar.az xəbər verir ki, bu sözləri Suriyanın BMT-dəki xüsusi nümayəndəsi Geir Pedersen “Anadolu” agentliyinə deyib.
“50 ildən uzun müddət davam edən avtoritar Əsəd rejimindən qurtulan Suriya indi də idarəetmədəki dəyişiklik, hərbi dinamika, iqtisadi böhranla formalaşan dərin dəyişiklik prosesinə daxil olub. Ölkədəki vəziyyət son dərəcə həssasdır. Dəməşq şəhəri də daxil olmaqla, bəzi bölgələrdə nisbətən sakitlik bərqərar olsa da, ölkənin şimal-şərqində qarşıdurmalar davam edir. Ölkədə sivil vətəndaşların qorunması hələ də prioritetdir. Suriyanın suverenliyi, ərazi bütövlüyü sözün əsl mənasında bərpa edilməlidir. İsrailin addımları da daxil olmaqla, bütün işğalçı davranışlar həm Suriya, həm də regionda daha təhlükəsiz bir həyatın təmin edilməsi naminə dayandırılmalıdır”, - o bildirib.
