"Mənasız yerə, qəsdən yerləri boşaltmaq üçün, 55-60 yaşında müəllimləri imtahana cəlb edirlər. Bugün sertifikasiya imtahanına cəlb etsələr, mən də keçə bilmərəm"
"Müəllim çox aşağılanır, cəmiyyət belə inkişaf edə bilməz" - Fazil Mustafa
"Müəllim çox aşağılanır, cəmiyyət belə inkişaf edə bilməz" - Fazil Mustafa
10:58 13.08.2024
Elm və Təhsil
1357
"Bunun da günahkarı ilk növbədə təhsili idarə edənlərdir. Çox bərbad günə salıblar"
"Mənasız yerə, qəsdən yerləri boşaltmaq üçün, 55-60 yaşında müəllimləri imtahana cəlb edirlər. Bugün sertifikasiya imtahanına cəlb etsələr, mən də keçə bilmərəm"
"Hər dəfə Naxçıvana gedəndə birinci növbədə ibtidai sinif müəllimimlə görüşürəm, onu ziyarət edirəm. Bunu özümə borc bilirəm".
"Sherg.az"ın xəbərinə görə, bunu millət vəkili, Böyük Quruluş Partiyasının sədri Fazil Mustafa deyib.
Deputat bildirib ki, müəllimin nüfuzu qalxmayan cəmiyyətdə mütləq bayağı toy müğənnilərinin, mankenlərin nüfuzu artacaq:
"Cəmiyyət belə inkişaf edə bilməz. Harada müəllimin əlindən öpürlər, onun qarşısında səcdə edirlər, o cəmiyyət böyüyəcək. Bizim cəmiyyət hələ böyüməyə hazır deyil. Çünki müəllimi çox aşağı salmışıq. Bunun da günahkarı ilk növbədə təhsili idarə edənlərdir. Çox bərbad günə salıblar. Buna qarşı bütün platformalarda açıq sözümüzü deyirik. Müəllimə yaxşı maaş vermək lazımdır. Ac müəllim heç vaxt yaxşı dərs deyə bilməz. Müəllimi repetirorluq əzabından qurtarmalıyıq. Müəllim evində istirahət etməli, enerji yığmalı və təzədən sinifə qayıdıb dərs deməlidir. Saatlarla evində dərs deyən müəllim sinifə qayıdanda dərs deyə bilməz. Müəllimlər yüksək əməkhaqqı almalı, öz enerjisini məktəbə, sinifə sərf etməlidir. Uşaqlar siniflərdə yetişməlidir. Nədir bu sertifikasiya? Mənasız yerə, qəsdən yerləri boşaltmaq üçün, 55-60 yaşında müəllimləri imtahana cəlb edirlər".
Fazil Mustafa vurğulayıb ki, yaşlı müəllimlərin əsas dəyəri təcrübədir:
"Mən Azərbaycanın ən yüksək vəzifələrində işləmiş hüquqşünaslarından biri olmuşam, universiteti yüksək səviyyədə bitirmişəm. Bugün sertifikasiya imtahanına cəlb etsələr, mən də keçə bilmərəm. İllər keçib, müəyyən şeyləri unutmuşam. Amma təcrübəm imkan verir ki, savadlı hüquqşünasın həll edə bilmədiyi hansısa kazusu həll edim. Demək istədiyim odur ki, müəllim təkcə bilik deyil, müəllim təcrübədir, psixoloqdur, uşaqla davranış qaydalarını bilən şəxsiyyətdir. Müəllimin təcrübəsini bir tərəfə qoyuruq, mexaniki bal üzərindən onun qiymətləndirməsini veririk və 30-40 illik əməyini sıfırlayırıq. Sonra da müəllim cəmiyyət arasına, şagirdin qarşısına çıxanda utanır. Müəllimi imtahan etmək nə deməkdir? Bu, müəllimi aşağılamağın yeni formasıdır. Təbii ki, cavan kadrların təyinatı önəmlidir, amma bunun başqa metodu tapılmalıdır. Yaşlı, təcrübəli müəllimi sıradan çıxarmaqla bunu etmək olmaz".
Oxşar xəbərlər
Xəbər lenti
Hamısına bax
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat
Britaniya TRIPP-in təhlükəsizliyinə töhfə verə bilər - ŞƏRH
17:18 17.11.2026
Aktual
Ehtiyac meyarı ilə bağlı qanun layihəsi ilk oxunuşdan keçdi
17:09 17.11.2026
Sosial
Nazim İbrahimovun yeni fotosu heyrətləndirdi - FOTO
16:58 17.11.2026
Cəmiyyət
Əmək haqqı ödənişləri elektronlaşdırılacaq
16:55 17.11.2026
Sosial
Gələn il üçün ehtiyac meyarı 314 manat olacaq
16:23 17.11.2026
Sosial
Qərb Ermənistanı Rusiya ilə üz-üzə qoya bilər - Politoloq
16:12 17.11.2026
Gündəm
Rusiyada internet kəsilib
16:06 17.11.2026
Dünya
Tramp İrana sərt xəbərdarlıq edib
15:45 17.11.2026
Dünya
Ölkə üzrə birdəfəlik sosial müavinətlərin ödənişi yekunlaşdırılıb
14:57 17.11.2026
Sosial
Yazıçılar Birliyinin üzvü 3-cü mərtəbədən yıxıldı
14:49 17.11.2026
Hadisə
Naxçıvanda payızlıq taxıl əkini 2 dəfəyə yaxın artıb
14:20 17.11.2026
İqtisadiyyat
Azərbaycanda bu müəllimlərə kirayə və yol pulu veriləcək
14:15 17.11.2026
Elm və Təhsil
Ukrayna 1500-ə yaxın PUA ilə Rusiyaya hücum etdi
13:52 17.11.2026
Dünya