Beynəlxalq araşdırma mərkəzinin hesabatına görə, X platforması yeniyetmə istifadəçiləri zərərli və açıq məzmunlardan kifayət qədər qoruya bilmir.
Sherg.az xəbər verir ki, araşdırmada 13 yaşlı uydurma istifadəçi hesabları üzərindən aparılan testlər zamanı, sadə axtarışlarla belə açıq cinsi məzmunlara çıxışın mümkün olduğu və bu cür materialların tez-tez “Sənə özəl” bölməsində də tövsiyə edildiyi iddia olunub.
Hesabatda qeyd edilir ki, platformanın alqoritmi bu tip məzmunları daha çox təklif edə bilir və bəzi hallarda yaş məhdudiyyəti mexanizmləri kifayət qədər effektiv işləmir.
Mütəxəssislər bu vəziyyətin uşaqlar üçün risk yarada biləcəyini bildirir və sosial platformalarda təhlükəsizlik tədbirlərinin gücləndirilməsinin vacibliyini vurğulayır.
X platforması isə daha əvvəl uşaqların təhlükəsizliyi üçün tədbirlər gördüyünü açıqlamışdı, lakin son araşdırma bu tədbirlərin yetərli olmadığını göstərir.
