“Ölkəmiz təkcə “Microsoft”la yox, digər İKT şirkətləri ilə də əməkdaşlıq edir”

İyunun 16-da “Microsoft” şirkətinin təşəbbüsü ilə Azərbaycan Respublikasının Prezidenti İlham Əliyevlə şirkətin vitse-prezidenti Filip Roq, Mərkəzi və Şərqi Avropa bölgəsinin korporativ əlaqələr və hüquqi məsələlər üzrə rəhbəri Nanna-Luize Linde və “Microsoft” şirkətinin digər nümayəndələri arasında videokonfrans keçirilib. Görüşdə bir sıra vacib məsələlər müzakirə edilib.

Həmçinin “Microsoft” şirkətinin rəhbərliyində təmsil olunmuş şəxslər ölkəmiz haqqında yüksək fikirlər səsləndirib, əməkdaşlığın perspektivlərini dəyərləndiriblər. Bildirilib ki, Azərbaycanla “Microsoft” arasında uğurlu əməkdaşlıq qarşıdakı illərdə daha da gücləndirəcək. Nəticədə piratçılığa qarşı mübarizə də sürətlənəcək. 




İnternet-media eksperti Səbuhi Abbasov videokonfrans haqqında “Sherg.az”a danışarkən bunun əhəmiyyətini yüksək qiymətləndirib:

“Əlbəttə, çox yaxşı, perspektivlər vəd edən görüşdür. Məhz belə görüşlər sayəsində Azərbaycanda İKT alətləri daha da optimallaşacaq. Həmçinin innovativ alətlərin tətbiqi sürətlənəcək” 

 S. Abbasovun sözlərinə görə, ölkədə bu sahənin inkişafına xüsusi diqqətlə yanaşılır:

“Azərbaycanda İKT mühiti artıq formalaşıb. Ölkəmiz təkcə “Microsoft”la yox, İKT sahəsindəki digər şirkətlərlə də əməkdaşlıq edir və bunlar öz səmərəsini verir. Son üç ildə  paytaxtla yanaşı, regionlarda da lokal layihələr həyata keçirilir. Bu isə xüsusilə tələbələr, gənclər üçün vacibdir”. 

Paylaş

Bizi Facebookda izləyin
Kənan Novruzov Yazarın yazıları
menu
menu