“Türkiyə Prezidenti Rəcəb Tayyib Ərdoğan “Taxıl sazişi”ni bərpa edə bilər”.
Bunu Ukraynanın xarici işlər naziri Dmitro Kuleba xarici KİV-ə müsahibəsində deyib.
O buna inamını ifadə edib: “Biz bilirik ki, Türkiyə Rusiya ilə əməkdaşlıq edir”.
Nazirin sözlərinə görə, rəsmi Kiyev taxıl məhsullarını dünya bazarına çıxarmaq üçün alternativ marşrutlar da axtarır.
Ərdoğanla Putin arasında gözlənilən görüşdə əsas müzakirə mövzularından birinin "Taxıl sazişi"nin bərpası olacağını bildirən siyasi şərhçi Kənan Novruzov "Sherg az"a deyib ki, Türkiyə Prezidentinin Rusiyalı həmkarını razı salmağı bacaracağını düşünür:
"Bu mənada Kulebanın inamında həqiqət payı var. Digər tərəfdən Ukrayna XİN rəhbəri açıqlaması ilə həm də, Türkiyəyə mesaj verir ki, biz sizə güvənirik. Ümumiyyətlə sözügedən sazişin bərpa olancağına inanıram. Düzdür burada Rusayın bəzi tələbləri var. Onlardan ən əsası isə təhlükəsizlik təminatı ilə bağlıdır. Yəqin ki, Türkiyə Prezident Rusiyanın maraqlarının da təmin olunacağı orta bir yol tapacaq".
Analitik əlavə edib ki, Rusiyanın"Taxıl sazişi"dən çıxaraq dünyanı aclıqla təhdid edir:
"Yəni Kreml dünyanı maraqlarını nəzərə almağa və nazıyla oynamağa çağırır. Hətta Putin gözləyir ki, kimsə ondan sazişi yeniləməsini xahiş etsin. Yuxarıda da dediyim kimi bu belə davam edə bilməz və tezliklə Rusiya sazişə qayıdacaq. Çünki vaxt uzandıqca əks-effekt verə bilər və Putin istəyinə nail olmayacaq. Hətta dünya dövlətlərində Rusiyaya qarşı aqressiya daha da ata bilər. Yəni Putin öz qazdığı quyuya düşəcək".
Xatırladaq ki, BMT Təhlükəsizlik Şurasının Ukrayna ilə bağlı keçirilən iclasında əksər ölkələr Rusiyanı "Taxıl sazişi"nin müddətini uzatmağa çağırıb. Sənədin müddəti iyulun 17-də başa çatıb və Moskva hələlik iştirakını yeniləmək niyyətində olmadığını açıqlayıb.
Rəsmi Moskvanın bu ay dördtərəfli (Ukrayna, Türkiyə, BMT və Rusiya) “Taxıl sazişi”ndən çıxması Odessa ətrafında hərbi vəziyyəti gərginləşdirməklə yanaşı, qlobal humanitar böhran təhlükəsi yaradıb.
Türkiyə və Rusiya liderlərinin avqustda keçiriləcək görüşündə sözügedən məsələnin müzakirə olunacağı gözlənilir
