Bakı şərtləri diktə edən tərəfdir
Yusif Nəzərli
07:25 02.06.2022
Aktual
600
Erməni cəmiyyəti də müharibə istəmir, ona görə müxalifətə qoşulmur
"Paşinyan sülh danışıqlarında istədiyini almaq üçün maksimum dirənəcək, lakin sonda razılaşmalı olacaq"
Ermənistan parlamentinin spikeri Alen Simonyan erməni hökumətinin Qarabağı Azərbaycanın bir hissəsi kimi görmədiyini deməkdən imtina edib. Simonyan bildirib ki, o, “Qarabağ Azərbaycanın deyil” cümləsi qura bilməz, çünki danışıqlar prosesi gedir: “Bu bəyanatla mən həm danışıqlardakı erməni tərəfini, həm də bütün danışıqlar prosesini fakt qarşısında qoymuş olaram”. Məlumat üçün bildirək ki, iyunun 3-də erməni müxalifəti parlamentin növbədənkənar iclasının keçirilməsi təşəbbüsü ilə çıxış edib. İrəvan müxalifəti bildirib ki, Qarabağı Azərbaycanın tərkib hissəsi kimi qəbul etməyəcək.
Baş nazir Nikol Paşinyanın Mülki Müqavilə Partiyası isə artıq bu iclasda iştirak etməyəcəyini bəyan edib. Bu arada Ermənistan hökuməti 2022-ci ilin dövlət büdcəsindən Qarabağa maliyyə ayrılacağını açıqlayıb. Vəsait Qarabağda mənzil tikintisinə yönəldiləcək. Məlumat üçün bildirək ki, son günlər Ermənistanda Qarabağ məsələsi yenidən gündəmdədir. Revanşist güclər, Baş nazir Nikol Paşinyana müxalif olan qüvvələr Qarabağın Azərbaycanın tərkib hissəsi olmasını qəbul etmirlər.
Siyasi şərhçi Asif Nərimanlı “Şərq”ə deyib ki, 90-cı illərin sonunda sabiq prezident Levon Ter-Petrosyana qarşı edilənlər, parlamentin gülləbaran edilməsi eyni senarinin təkrarlanması riskini yaradır. Analitikə görə, hətta Qarabağda keçmiş xunta rejiminə bağlı generalların silahlı toqquşmaları, separatçı-terrorçu rejimin ələ keçirilməsi və Paşinyanı silahlı yolla devirmək senarisi də istisna deyil:
“90-cı illərdə keçmiş “Qarabağ klanı” Ermənistanda hakimiyyəti bu yolla ələ keçirmişdi. Bu baxımdan, fikir ayrılıqlarının olmasının sülh prosesinə təsir göstərməsi mümkündür, lakin mövcud şərtlər 90-cı illərdən xeyli fərqlənir.
Birincisi, Ermənistanda əhalinin ən azı 50 faizdən çoxu müharibə istəmir. 44 günlük müharibədə yaşadıqlarını unutmayıblar. Paşinyanın seçkidə qalib gəlməsi də bunu təsdiqlədi. İkincisi, əhali “Qarabağ klanı”nın – Sarkisyan-Koçaryan cütlüyünün hakimiyyətə gəlişini istəmir.
Üçüncüsü, Paşinyanın həm sosial dayaqları, həm də Qərbdən verilən dəstəyi güclüdür və bu, ona etirazları asanlıqla əzmək imkanı yaradır. Bu baxımdan, müxalifətin etirazlar, yaxud mümkün silahlı qiyam senarisi üzərindən nəyəsə nail olacağı ehtimalı azdır.
Lakin Paşinyan hakimiyyətinin özü bu proseslərdən danışıqlar masasında istədiyini almaq, yaxud Qarabağla bağlı məsələdə razılaşmamaq üçün istifadə edəcək. Bildirəcək ki, ölkədə əhalinin etirazı var, sülh sazişini indiyə imzalaya bilməz, yaxud Azərbaycanın şərtlərinə tam əməl edə bilməz. İstisna deyil ki, artıq danışıqlar masasında Ermənistan tərəfi bu məsələ üzərində də dayanır”.
A.Nərimanlıya görə, yekun sözün Bakı tərəfindən deyiləcəyi bəllidir:
“Müharibədən sonra şərtlər dəyişib. Həm Qərb, həm Rusiya masasında Azərbaycanın ərazi bütövlüyü məsələsi prinsipial olaraq qəbul edilir. Bu baxımdan, sülh prosesinin uzanması problemin həlli üçün alternativ variantları aktuallaşdıra bilər.
Bunu Ermənistan tərəfi də anlayır. Fikrimcə, Paşinyan sülh danışıqlarında istədiyini almaq üçün maksimum dirənəcək, lakin sonda razılaşmalı olacaq və bununla erməni cəmiyyətinə əlindən gələn hər şeyi etdiyini göstərəcək”.
Oxşar xəbərlər
Xəbər lenti
Hamısına bax
Başına top dəyən futbolçu öldü
19:42 16.11.2026
Futbol
Putin APEC sammitindən dərhal sonra Tacikistana gedəcək
19:34 16.11.2026
Aktual
Tramp Çində Putin və Si Cinpinlə görüşəcəyini təsdiqləyib
19:26 16.11.2026
Aktual
COP31-in sədri Azərbaycan pavilyonunu ziyarət etdi
19:18 16.11.2026
Gündəm
Britaniya nəşri hazırda İranı kimlərin idarə etdiyini açıqladı
19:11 16.11.2026
Dünya
Tramp Çində Putinlə yanaşı Kim Çen Inla da görüşə bilər
18:47 16.11.2026
Dünya
Azərbaycan bu beynəlxalq şuranın üzvü seçildi
18:45 16.11.2026
Gündəm
Gəncədə 42 yaşlı kişi 4-cü mərtəbədən yıxılıb
18:39 16.11.2026
Hadisə
Dolların mövqeyi zəifləyir, manat güclənir - İZAH
18:28 16.11.2026
İqtisadiyyat
Bakı-London iqtisadi tərəfdaşlığı genişlənir - TƏHLİL
18:09 16.11.2026
Gündəm
Aİ Ukraynaya silah tədarükü üçün 1,76 milyard avro ayırdı
18:03 16.11.2026
Dünya
Bakıda bal yarmarkasının tarixi və yeri dəyişdirildi
17:58 16.11.2026
Sosial
Hörmüz boğazında daha bir neft tankeri minaya düşüb
17:49 16.11.2026
Dünya
Narkoloji müayinəyə dair yeni tələb müəyyənləşir
17:47 16.11.2026
Sosial
İran və Pakistan XİN rəhbərləri görüşdü
17:21 16.11.2026
Dünya