Rəcəb Tayyib Ərdoğanın göstərişinə əsasən, Türkiyənin 81 vilayətindən 52-nin təhlükəsizlik orqanlarına yeni rəhbərlər təyin olunub.
Türkiyə Prezidentinin müvafiq fərmanı “Resmi Gazete”də dərc edilib.
Qardaş ölkə hakimiyyəti polis idarələri rəhbərlərinin dəyişdirilməsinin səbəbləri barədə şərh verməyib.
Məsələni dəyərləndirən siyasi-şərhçi Turab Rzayev"Sherg.az"aaçıqlamasında bildirib ki, ümumiyyətlə Türkiyədə sonuncu seçkilərdən sonra nazirliklərdə, eyni zamanda prezident aparatında həddindən artıq təmizləmə tədbirləri aparılıb:
"Seçkilərdə qalib olmalarına baxmayaraq, İstanbul, İzmir, Ankara, Bursa və Adanada AKP-nin mərkəzi vilayət aparatı və heyətləri dəyişdirilib. Demək olar ki, bütün nazirliklərdə dəyişikliklər edilib. Ola bilsin ki, yeniləmə əməliyyatını təhlükəsizlik orqanlarında da aparıblar. Məsələn, Müdafiə Nazirliyi, Daxili İşlər Nazirliyi və Milli Kəşfiyyat Təşkilatında ümumi dəyişikliklərin tərkib hissəsi kimi həyata keçiriblər. Xüsusi bir məlumat var ki, MKT-nin vilayət rəhbərlərinin hansısa xarici, yaxud daxildən müəyyən təşkilat ilə əlaqələri olsun. Misal üçün PKK və FETÖ ola bilər. Ona görə bunun ardınca kütləvi təmizlik aparılması gözlənilir".
Şahanə Tağızadə
