Qərbi Azərbaycan mövzusu bu gün Azərbaycanın gündəmində olan ən vacib məsələlərdən biridir. Qərbi Azərbaycan İcması və Azərbaycan-Türkiyə İctimai Birliyinin birlikdə təşkil etdiyi konfrans da bu baxımdan böyük əhəmiyyət daşıyır. Tədbirin Türkiyədə keçirilməsi isə onun önəmini daha da artırır. Azərbaycan Prezidentinin tədbir iştirakçılarına ünvanladığı müraciət də bu mövzuya verilən yüksək diqqətin göstəricisidir. Bu konfrans bir daha göstərir ki, Qərbi Azərbaycan məsələsi hər kəs üçün vacibdir və bu istiqamətdə işlər davam etdirilməlidir.
Qərbi Azərbaycan İcmasının mətbuat katibi Ülviyyə Zülfiqar mövzu ilə bağlı Sherg.az-a açıqlama verib:
"Qərbi Azərbaycan İcması və Azərbaycan-Türkiyə İctimai Birliyinin birgə təşkilatçılığı ilə keçirilən konfrans böyük əhəmiyyətə malikdir. Xüsusilə də tədbirin ölkəmizin sərhədlərindən kənarda–qardaş Türkiyədə keçirilməsi onun əhəmiyyətini daha da artırır. Konfransda yüzlərlə alim, rəsmi şəxs və xarici qonaqlar iştirak edir. Onlarla birlikdə, Qərbi azərbaycanlıların geri qayıdış hüququ, son iki yüz il ərzində baş verən faciələr və digər mühüm məsələlər müzakirə olunur. Geri qayıdışla bağlı müxtəlif fikir və təkliflər səsləndirilir.
Xüsusilə də Azərbaycan Prezidentinin konfrans iştirakçılarına ünvanladığı müraciət xüsusi önəm daşıyır".
Müsahibimiz sonda bir daha bu konfransın Qərbi Azərbaycan məsələsinin və qərbi azərbaycanlıların geri qayıdış hüququnun nə qədər vacib olduğunu nümayiş etdirdiyini söyləyib.
