Rus jurnalist Mixail Ziqar keçən günlərdə bəzi detalları özündə ehtiva edən olduqca maraqlı bir yazı qələmə alıb. Sherg.az xarici media istinadən xəbər verir ki, daha əvvəl Rusiyanın müstəqil xəbər kanallarından birində rejissorluq edən və "Kremlinin bütün adamları: Vladimir Putin Sarayının İç üzü" adlı kitabın müəllifi olan Ziqar, "New York Times"də dərc olunan "Putin əlaqəsini necə İtirdi" başlıqlı yazısında bunları yazır:
"Vladimir Putinin Ukraynanı işğal qərarı sayəsində, Rusiya indi heç olmadığı qədər təcrid olmuş vəziyyətdədir. İqtisadiyyata sanksiyalar tətbiq olunur, beynəlxalq markalar ölkədən çəkilir. Xəbər mediası üzərində məhdudlaşdırmalar daha da artdı və geriyə yalnız dezinformasiya, milliyyətçilik və səhv məlumatlar axını qaldı. İnsanların bu ölkə ilə ünsiyyətləri gündən günə azalacaq. Qorxaram Rusiya hər keçən gün başçısına daha çox bənzəyə".
Zigar, Putinin pandemiyanın əvvəlindən etibarən davranışlarında dəyişiklər olduğunu ifadə edərək bunları qeyd edir:
"Keçmiş bir KQB agenti olan Putin, hər vaxt təmkinli bir insan idi. Prezidentin ətrafında olub bitənlər heç bir zaman şəffaf deyildi. Ancaq Putinin son iki ildəki davranışlarıyla əlaqədar eşitdiyim məqamlar çox narahatvericidir. Onun dəyişkən və xaotik halı, Rusiyanın Ukrayna üzərindəki hakimiyyətini yenidən bərpa etməyə həvəsləndirdi və ətrafındakı ideoloq və yaltaqların çoxalması ilə Avropanın İkinci Dünya müharibəsindən bu yana ən təhlükəli anını yaşamasının yolunu hazırladı."
Ziqarın qeydinə görə, Putin 2020-ci ilin yaz və yay aylarını Valdayda olan iqamətgahında karantində keçirib. (Moskva ilə St. Peterburqun orta nöqtəsində olan Valday əhəmiyyətli bir turizm mərkəzi olaraq bilinir.) Rusiya rəhbərliyindəki qaynaqlar Ziqara, karantin zamanı Putinin yanında ancaq Yuri Kovalçukun olduğunu söyləyib.
"Rossiya" Bankın ən böyük səhmdarı olan və Kremlin sözçüsü olaraq bilinən və bir çox media quruluşlarına nəzarəti əlində saxlayan Kovalçuk, 1990-cı illərdən bu yana Putinin ən yaxın yoldaşlarından və ən güvəndiyi məsləhətçilərindən biri olaraq tanınır. Ziqara danışan qaynaqlara görə, 2020-ci ildən etibarən Kovalçuk bu rolunu da artırara mövqeni Rusiyanın ikinci adamı olaraq möhkəmləndirdi. İndi o, Putinin ətrafında ən nüfuzlu adam kimi tanınır.
Turan
