Rusiyanın Ren Tv kanalı bu gün Peterburq metrosunda partlayışı törədən şəxsin görüntülərini yayıb.
AzNews.az xəbər verir ki, terrorun səbəbkarı ehtimal edilən bu şəxs vaqona daxil olaraq, orda portfeli qoyur və çıxır.
Müşahidə kamerasından çəkilən görüntülərdə həmin şəxsin saqqallı və müsəlman papağı taxdığını görmək olar. Qanun qoruyucuları hesab edir ki, kişi bu yola istintaqın gedişini dəyişməyə çalışıb.
Terrorçu vaqona bomba qoyduqdan sonra sakit addımlarla stansiyanı tərk edib.
Qeyd edək ki, bu gün "Сенная площадь" və "Технологический институт" stansiyaları arasında partlayış baş verib. Terror aktı nəticəsində 10 nəfər ölüb, 47 nəfər yaralanıb.
