FİFA futbol qaydalarında dəyişiklik etməyə hazırlaşır.
Yeni dəyişikliyə görə, baş məşqçilər hər hissədə 2 dəfə hakimin qərarlarına etiraz edə biləcək.
FİFA-nın prezidenti Joseph Blatter deyib ki, yalnız oyun dayandığı zaman məşqçi hakimin qərarına etiraz edə biləcək.
Hakim və məşqçi meydanın kənarında quraşdırılacaq monitor vasitəsi ilə mübahisəli epizodlara baxacaqlar və hakim istəsə, qərarını dəyişəcək.
Bu yeniliyin ilk dəfə gələn il Yeni Zelandiyada 20 yaşadək futbolçular arasında keçiriləcək dünya çempionatında tətbiq edilməsi nəzərdə tutulur.
