Azərbaycan Respublikasının prezidenti, Ali Baş Komandan İlham Əliyev Novruz bayramı münasibəti ilə Şuşada Cıdır düzündə Novruz tonqalı yandırıb, bu tarixi hadisə ilə bağlı ciddi mesajlar verib. 28 ildən sonra Şuşada Novruz bayramının qeyd edilməsini tarixi ədalətin bərpası kimi dəyərləndirən ölkə başçısı, bunun böyük xoşbəxtlik olduğunu bildirib.
Prezident İlham Əliyevin Şuşada yandırdığı Novruz tonqalı Azərbaycan xalqı tərəfindən sevinc və coşğu ilə qarşılanıb. Bir ildən çoxdur ki, media və sosial mediada vətənpərvərliklə bağlı səsləndirdiyi şeirləri ilə tanınan 3-cü sinif şagirdi, bədii qiraətçi Zəhra İmranlı, ölkə başçısının Şuşada yandırdığı tonqalla bağlı maraqlı şeir səsləndirib. Jurnalist-tarixçi Seymur Əliyevin müəllifi olduğu “Qarabağda yanan ocaq” şeirində 28 ildən sonra Şuşada alovlanan Novruz tonqalının xalqa bəxş etdiyi xoşbəxtlik, ruhi rahatlıq və sevinc parlaq poetik boyalarla əks olunub, Ali Baş Komandanın, ordumuzun, şəhdilərimizin bu sevincdəki əməyinə, fədakarlığına diqqət çəkilib.
Bədii qiraətçi Zəhra İmranlı tərəfindən sələndirilən “Qarabağda yanan ocaq” şeirini oxuculara təqdim edirik.
