Neftçala rayonunda 3 nəfərin ölümü ilə nəticələnən yol qəzası baş verib.
APA -nın Mil-Muğan bürosunun məlumatına görə, yol qəzası rayonun Xolqarabucaq kəndində qeydə alınıb.
“Mercedes” və “Lexus” markalı minik avtomobilləritoqquşub, nəticədə “Lexus” markalı avtomobildə olan Xolqarabucaq kənd sakini, 1961-ci il təvəllüdlü Xanlar Ayaz oğlu Xankişiyev və onun həyat yoldaşı 1962-ci il təvəllüdlü Mərviyyə Qurban qızı Səmədova, “Mercedes” markalı avtomobildə olan Neftçala rayonunun Xolqarabucaq kənd sakini, 2017-ci ildə anadan olmuş Humay Elçin qızı Ələkbərova hadisə yerində ölüblər.
“Mercedes”in sürücüsü Habil Ələkbərov və daha 2 nəfər Neftçala Rayon Mərkəzi Xəstəxanasına yerləşdiriliblər. H. Ələkbərovun vəziyyəti ağırdır.
Faktla bağlı araşdırma aparılır.
