Azərbaycanda tibbi sığorta növü üzrə daxilolmalar artıb.
"Report" Maliyyə Bazarlarına Nəzarət Palatasına istinadən xəbər verir ki, 2018-ci ilin yanvar-dekabr ayları ərzində tibbi sığorta üzrə sığorta şirkətlərinin yığımları 87,057 mln. manat təşkil edib. Bu, yanvar-noyabr ayları ilə müqayisədə 12,007 mln. manat və ya 16% çoxdur.
Ötən il ilə müqayisə etsək, ölkədə bu sığorta sinifi üzrə daxilolmalar 3,892 mln. manat və ya 4,68% çoxdur.
2018-ci ilin yanvar-dekabr aylarında tibbi sığorta üzrə 59,485 mln. manat ödəniş aparılıb. Bu, 2018-ci ilin yanvar-noyabr ayları ilə müqayisədə 3,803 mln. manat və ya 6,83%, 2017-ci il ilə müqayisədə isə 6,482 mln. manat və ya 12,23% çoxdur.
Ümumiyyətlə, ötən il tibbi sığorta üzrə daxilolmaların 68,33%-i ödənişə yönəldilib.
