"Bakıda davamlı keçirilən V Ümumdünya Mədəniyyətlərarası Forumu Azərbaycanın həyatında çox önəmli yerə malikdir”.
Bunu "Sherg.az”a açıqlamasında tanınmış jurnalist, siyasi şərhçi Azər Həsrət deyib.
Ekspert bildirib ki, Azərbaycan bu cür forumlara ev sahibliyi etməklə, qlobal mərkəzlərdən biri kimi önə çıxmağı bacarıb:
"Forumun keçirilməsi təqdirəlayiqdir. Dünyanın yüzlərlə dövlətini təmsil edən dövlət rəsmiləri, siyasət və elm adamları xarici ölkələrdən Azərbaycan gələrək mövcud durumu həm gözləri ilə görürlər, həm də ümumi müzakirələrdə iştirak edirlər.
Bu baxımdan Forum çox əhəmiyyətlidir. Eyni zamanda Forum Azərbaycanın haqq səsinin dünyaya çatdırılması baxımından da əhəmiyyətlidir. Azərbaycanda fəaliyyət göstərən media və QHT təmsilçiləri, siyasət adamları, dövlət nümayəndələri Forumda yaxından iştirak edirlər. Mən əvvəlki illərdə Forumda iştirak etmişəm.
Çox faydalı bir platforma olduğunu öz gözlərimlə görmüşəm. Üstəlik, bu Forumda qazandığım təcrübənin, bilgilərin, qurduğum əlaqələrin beynəlxalq tədbirlərdə faydasını görmüşəm. Forumlarda iştirak etməyim hər zaman dadıma çatıb”.
A.Həsrətin fikrincə, belə Forumlarda Azərbaycanlıların iştirakı əlavə imkandır, üstünlükdür:
"Forumların davamlı şəkildə keçirilməsi, Bakının daimi ev sahibliyi etməsi çox mühümdür. Təbii ki, burada cənab Prezidentin və birinci vitse-prezidentin iştirakı, çıxışı, ayrı-ayrı qonaqlarla təmasları, fikir mübadiləsi də olduqca əhəmiyyətlidir. Düşünürəm ki, Azərbaycanı məhz bu cür platformalarda tanıtmaq daha çox xeyrimizədir”.
İsmayıl
