Azərbaycan Ürək və Damar Cərrahiyyəsi Cəmiyyəti (AÜDCC) 26-28may 2017-ci il tarixlərdə "Gülüstan" sarayında ümummilli lider Heydər Əliyevin anadan olmasının 94-cü ildönümünə həsr olunmuş "Bakı Ürək Günləri” 5-ci Beynəlxalq Konqresini təşkil edir.
Bu barədə Sherg.az-a Azərbaycan Güləş Federasiyasının mətbuat katibi Mais Musayev bildirib. o qeyd edib ki, konqres iştirakçıları 26 may saat 12:00-da Fəxri Xiyaban və Şəhidlər Xiyabanını ziyarət edəcək.
Konqresin ilk günündə kardiocərrahlar və rezidentlər üçün praktiki məşğələlər təşkil olunacaq. Gənc mütəxəssislər mayın 26-da saat 14:00-dan 18:00-dək təşkil ediləcək "Damar anastamozu" və "Mitral qapaq təmiri" kurslarında praktiki biliklərini artıracaqlar.
Mayın 27-də saat 12:00-da isə Konqresin rəsmi açılış mərasimi baş tutacaq.
Konqresin keçirilməsində əsas məqsəd Azərbaycanda kardiologiyanın və ürək-damar cərrahiyyəsinin inkişafına töhfə vermək, əcnəbi mütəxəssislərlə birgə fikir mübadiləsi aparmaq və tibb elminin bu sahədəki son yeniliklərini müzakirə etməkdir. "Bakı Ürək Günləri” 5-ci Beynəlxalq Konqresində 400-ə yaxın yerli və əcnəbi kardioloq və kardioccərahın iştirakı ilə ürək-damar xəstəlikləri və onların müalicəsindəki ən aktual məsələlər müzakirə ediləcək.
Qurum sözçüsü xatırladıb ki, AÜDCC 2009-cu ildən etibarən hər iki ildən bir "Bakı Ürək Günləri” Beynəlxalq Konqresini təşkil edir: "Bütün KİV nümayəndələrini Konqresin işində iştirak etməyə dəvət edir və Konqresin gedişatını işıqlandırmağı xahiş edirik".
