"İslam ölkələrinə Ermənistanla əlaqələrin məhdudlaşdırılması barədə çağırış çoxdan edilməli idi”.
Bunu "Sherg.az”a Azərbaycan XİN başçısı Elmar Məmmədyarovun islam ölkələrinə müraciətin ilə bağlı danışarkən analitik Arzu Nağıyev deyib.
O bildirib ki, bütün forumlarda Azərbaycan islam ölkələrini dəstəkləyib:
"Pakistanda, digər islam dövlətlərində baş verən hadisələrdə Azərbaycan hər tərəfli İƏT-in və İƏT ölkələrinin tərəfindən çıxış edib. Ümumiyyətlə, bu həmrəylik olmalıdır. Çünki son vaxtlar etnik, dini baxımdan müsəlman ölkələrini dini ekstremist kimi qəbul edirlər. Bu ölkələrin ortaq məxrəcə gəlməməsinə çalışırlar.
Doğrudan da bizi müsəlman dövləti kimi qəbul edirlərsə, nədən islam dövlətləri Ermənistanın Azərbaycana qarşı işğalçılıq siyasətinə qarşı çıxmamalıdır. Çünki Azərbaycan öz balanslı siyasətini bütün islam dövlətlərinə yönəldib, bu istiqamətdə müvafiq addımlar atır. Bu çağırış da düşünülmüş və təqdirəlayiq addımdır”.
Aysel Aslan
