"Mən bu cür səfərlərə, görüşlərə əhəmiyyət vermirəm”.
Bu barədə "Sherg.az”a Moskvada Azərbaycan xarici işlər naziri Elmar Məmmədyarovun ATƏT-in Minsk qrupu həmsədrləri ilə görüşünün nəticələrindən danışarkən politoloq Zərdüşt Əlizadə bildirib.
O qeyd edib ki, Dağlıq Qarabağ münaqişəsini Rusiya yaradıb, bölgədə dərin ədavət ocağı təşkil edib və dondurub:
"Beləliklə, həmin münaqişə vasitəsilə bölgədə azı 3 ölkəyə nəzarət edir. Mövcud durumu dəyişmək, münaqişəni həll etmək Rusiyaya əl vermir. Bu işin ağası Rusiyadır. Belə şəraitdə nə gözləmək olar?
Rusiya münaqişə üzərində və münaqişəyə cəlb edilmiş ölkələr üzərində öz nəzarətini gücləndirmək istəyir. Ona görə, ordusunu Qarabağa salır. Qarabağı Abxaziya və Osetiya kimi etmək istəyir. Gələcəkdə ondan asılı olmayan səbəblərdən hansısa dəyişiklik baş verərsə, əlavə qoşun yeridəcək.
Qeyd edək ki, mətbuata qapalı keçirilən görüşdə Dağlıq Qarabağ münaqişəsinin həlli istiqamətindəki səylər və nazirlər arasında görüşün mümkünlüyü müzakirə olunur.
Xatırladaq ki, görüşdə ATƏT-in fəaliyyətdə olan sədrinin şəxsi nümayəndəsi Anjey Kaspşik də iştirak edir.
Ayyət Əhməd
