44 günlük Vətən müharibəsində şəhid olan ordumuzun hərbi qulluqçusu Cəbrayıl Dövlətzadənin ailəsinə Sumqayıt şəhərində üçotaqlı mənzil verilib.
Oxu.Az-ın məlumatına görə, mənzilin açarlarını Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sədri Vüqar Behbudov təqdim edib.
Qeyd edək ki, 19 yaşlı C.Dövlətzadə 2020-ci il sentyabrın 28-də Murovdağ döyüşləri zamanı şəhid olub. O, İkinci Şəhidlər xiyabanında dəfn olunub.
Prezident İlham Əliyevin müvafiq sərəncamları ilə Cəbrayıl Dövlətzadə ölümündən sonra “Vətən uğrunda” mdealı və “Azərbaycan Bayrağı” ordeni ilə təltif edilib.
