“DSX-nın keçdiyi çətin və şərəfli yol dövlətimiz üçün örnək oldu”
Tapşırıq veribdir Ali Komandan,
Sərhəddə ayıqdır hər zabit,əsgər!
Ana yuxuları qarışan zaman,
Birinci ağrını sərhədçi çəkər!
Sərhəd müstəqil dövlətimiz üçün vacib və önəmli bir sahədir . Sərhədlərimizin mühafizəsində vəzifə borclarını yerinə yetirən hər kəs böyük hörmət və ehtiram daşıyıcısıdır..
Bəli, nəqədər də məsuliyyətli olsada bu gün Dövlət Sərhəd Xidmətindən yazacam.Bir təhsil işçisi və uzun illər xidmət etmiş zabit kimi özümə borc bildim ki,Dövlət Sərhəd Xidmətinin yaranmasının 100 illiyi ərəfəsində, müstəqil Azərbaycanın yarandığı gündən sərhədlərimizin mühafizəsində əməyi olanlardan yazam.
Azərbaycanda Dövlət Sərhəd Xidmətinin yaranma tarixi 1918-ci ildən başlanır. 1918-ci il iyunun 22-də Azərbaycan Demokratik Respublikası qurulanda ilk öncə sərhədlərimiz müəyyənləşdi və onların qorunması məsələsi gündəmə gəldi. İlk olaraq Poylu sərhəd postu yaradıldı. Başqa istiqamətlərdə də yeni sərhəd məntəqələrin yaradılması planlaşdırılaraq və həyata keçirildi.
1919-cu il avqustun 18-də Azərbaycan Demokatik Respublikası Nazirlər Kabineti “Azərbaycan Respublikasının gömrük baxımından sərhəd mühafizəsinin təsis edilməsi haqqında” qanun qəbul etdikdən sonra 99 post yaradlılaraq və yeni yaranmış gənc dövlətimizin sərhədləri mühafizəyə götürülmüşdür.
İllər keçdi müstəqil Azərbaycan dövləti süquta yetdikdən sonra sovet dövləti yarandı və doğma Azərbaycanımız sovetlər birliyi tərkibində İran və Türkiyə ilə həmsərhəd oldu.Şimal istiqmətlərdə sərhəd ifrastrukturu ümumiyyətlə belə yox idi.lakin bu böyük bir işi görmək elədə asan deyildi. Bu gün artıq müstəqilik.
Nə qədər çətin olsada Ulu Öndərimiz Heydər Əliyev hakimiyyətə gəldikdən sonra ordumuzun yenidən yaradılması ilə bərabər sərhəd qoşunlarının yaradılması da əsas prioritet məsələlərdən biri oldu. Dövlət Sərhəd Xidmətinin keçdiyi çətin və şərəfli yol dövlətimiz üçün bir nümunə və örnək oldu . Sərhədlərimizin öz sərhədçilərimiz tərəfindən qorunması isə müstəqilliyimizin əsas və vacib amillərinin birinə çevrildi.
Bu gün Azərbaycan Sərhəd Mühafizəsi etibarlı inkişafa və tərəqqiyə nail olmuş, sərhədlərimizin hüdudlarının professional səviyyədə mühafizəsinin həyata keçirir. Dövlət Sərhəd Xidmətinin Rəisi General-Polkovnik Elçin Quliyevin bacarıqlı və səriştəli rəhbərliyi altında Dövlət Sərhəd Xidmətinin maddi texniki bazası modernləşdirilmiş və qabaqcıl dövlətlətrin səviyyəsinə gətirilmişdir.
Bu gün DSX Vətənimizin qərb bölgəsində Ermənistanla həmsərhəd ərazilərdə döyüş növbətçiliyini yüksək əzm və şərəflə yerinə yetirir.Bu gün Dövlət Sərhəd Xidmətinin hərbi qulluqçuları ön xəttdə qarşılarında duran döyüş tapşırığını şərəflə,ləyaqətlə və mətinliklə yerinə yetirir.Əsgərlərimiz gecə- gündüz erməni ordusunun müxtəlif növ silahlardan atdıqları atəş nöqtələrini qəhrəmancasına susdurur və bir daha sübut edirlər ki, DSX-nin zabit və əsgərləri döyüş əməliyyatlarını aparmaq qabilyyətinə malikdirlər.
Bu gün Dövlət Sərhəd Xidməti bir qürum olaraq ictimayyətlə sıx əlaqələr qurmuşdur .Mən Azərbaycan Respublikası Təhsil Nazirliyinin ,Bakı Şəhəri üzrə Təhsil idarəsinin bir əməkdaşı kimi onu qeyd etmək istəyirəm ki, DSX-nin zabitləri mütamadi olaraq ümumtəhsil məktəblərində Hərbi Vətənpərvərlik tərbiyəsi istiqamətində müxtəlif görüşlərdə və tədbirlərdə iştirak edirlər.Artıq 2 ildir ki Dövlət Sərhəd Xidməti Sahil mühafizəsi tərəfindən Bakı şəhəri üzrə seçilmiş ümumtəhsil məktəbləri arasında "Sərhədçi" hərbi idman oyunları keçirilir.Keçirilən "Sərhədçi"hərbi idman oyunlarının əsas məqsədi gənc nəsli Vətənə ,onun sərhədlərinə hörmət ruhunda tərbiyə etmək ,sağlam və gümrah gənclər yetişdirmək ,onlarda sərhədçi peşəsinə marağı artırmaqdır.
Keçirilən yarışlarda iştirak edən gənclər sıra hazırlığı ,sərhəd naryadı tərəfindən nəqliyyat vasitələrinə baxışın təşkili ,avtomatın sökülüb yığılması ,sərhəd pozuçusunun yaxalanması və təxliyyəsi ,hədəfə atəş açılması ,yaralanmış sərhəd naryadının üzvünə ilk tibbi yardımın göstərilməsi və digər meyarlar və elementlər üzrə öz bacarıqlarını sınayırlar. Məhz bu keçirilən bu tədbirlərdən sonra yuxarı sinif şagirdlərinin Sərhədçi peşəsinə olan sevgisi ildən- artır .
Bir neçə gündən sonra Azərbaycan Respublikası Dövlət Sərhəd Xidmətinin yaranmasının 100 illiyini qeyd edəcəyik.Bu illər boyu keçdiyi şərəfli yolu nəzər yetirsək bir daha əmin olurıq ki,sərhədlərimiz etibarlı şəkildə qorunur və mühafizə edilir.
Yazımın sonunda Azərbaycanın təhsil işçiləri adından Dövlət sərhədlərimizin mühafizəsində ləyaqətlə xidmət edən generallarımızı ,zabitlərimizi və əsgərlərimizi qarşıdan gələn Dövlət Sərhəd Xidmətinin yaranmasının 100 illiyi münasibəti ilə səmimi qəlbdən təbrik edirəm , sərhədçilərimizə döyüş və mənəvi-psixoloji hazırlıqlarında uğurlar arzulayıram.Əziz Sərhədçilər biz Sizlərlə qürur duyuruq!
Ehtiyatda olan polkovnik-leytenant Mürsəl Qurbanov.
