Dünya İqtisadi Forumunun Qlobal Rəqabətlilik Hesabatı bu dəfə tamamilə yeni metodologiya əsasında hazırlandığından gözləmək olardı ki, ölkəmizin mövqeləri zəifləyəcək. Qeyd edim ki, hökumətin həyata keçirdiyi iqtisadi kursa "min cür" problem qoşan ekspert-iqtisadçılar da bunu, hələ xeyli əvvəldən proqnozlaşdırmışdılar. Lakin, göründüyü kimi yeni metodoloji yanaşma da, Azərbaycanda aparılan iqtisadi siyasəti, dəyişiklikləri kölgə altına sala bilməyib və ölkəmiz sözügedən hesabatda yenə də kifayət qədər təqdirəlayiq yer tuta bilib".
Bunu "Sherg.az"a iqtisadçı-ekspert Pərviz Heydərov söyləyib. Onun sözlərinə görə,
"Qlobal Rəqabətlilik Hesabatı-2018/2019”-un əsas fərqi ondan ibarətdir ki, buradakı indikatorların yarıdan xeyli çoxu yenidir:
"Əlbəttə, bunların hamısı üzrə yüksək nəticələrə nail olmaq çətindir. Məsələn, dünyanın 140 ölkəsi arasında biznesin dinamikliyi reytinqi üzrə 31-ci yerdə qərarlaşmağımız mühün göstəricidir. Bu da ölkəmizdə qeyri-neft sektorunu inkişaf etdirmək məqsədilə aparılan islahatların, göstərilən cəhdlərin, sahibkarlıq fəaliyyəti üçün ortada olan bütün maneələrin aradan qaldırılması və sair kimi işlərin nəticəsidir. Lakin görüləsi işlər çoxdur. Bu cür hesabatlar ölkəmizə diqqəti artırmaq və yaxud azaltmaq məqsədi daşıyır. Yaxşı rəy verilirsə, demək, ölkəmizə diqqət bundan sonra bir az da artacaq. Odur ki, biz də, geri nəticələr göstərdiyimiz pillələr üzrə irəliləməyimiz üçün daha çox çalışmalıyıq".
Ayyət Əhməd
