"Azərbaycan xalqı heç vaxt Əli İnsanovların ardınca getməyib, getməyəcək də”.
Bu sözləri "Sherg.az”a açıqlamasında millət vəkili Elman Məmmədov bildirib.
Deputat qeyd edib ki, kimliyindən, siyasi əqidəsindən asılı olmayaraq gərək heç kim yaxın keçmişini unutmasın:
"Ə.İnsanov həbsdən öncəki həyatına nəzər salmalıdır. O həbsdə olan müddətdə külli miqdarda xərclədiyi pulları haradan alırdı? Təbii ki, nazir maaşı ilə həmin dəbdəbəli həyatı yaşaya bilməzdi. Onun kim olduğunu xalq yaxşı bilir. Nazir işlədiyi müddətdə var-dövlət yığmışdı. Bunlar da hər kəsə məlumdur.
Ə.İnsanov və onun kimi bir qrup insanlar xalqına, vətəninə, millətinə nankor çıxanlardır. Cənab Prezident humanistlik göstərdi deyə Ə.İnsanov əfv olundu. Həbsdən çıxanda onun televizyalarda vəziyyəti göstərildi, elə bil sanatoriyadan çıxırdı. Xarici görünüşü həbsdən çıxana bənzəmirdi”.
E.Məmmədov qeyd edib ki, Ə.İnsanovu nazir postuna ulu öndər Heydər Əliyev təyin etmişdi:
"O, iqtidar komandasında çalışmışdı. Amma xəyanətkarlığı ifşa olundu və törətdiyi cinayət əməllərinə görə həbs edildi. Onun etdikləri yüngül bir şey deyildi. Amma cənab prezident yenə humanistlik göstərib, onu əfv etdi. Bu gün Ə.İnsanovun tərfdaşları görün kimlərlə əməkdaşlıq edirlər. Bu hərəkətlərlə Ə.İnsanov özünə yeni bir quyu qazamağa başlayıb. Nə qədər dərin qazsa, yenə həmin quyuya yenə özü düşəcək.
Hesab edirəm ki, Azərbaycan xalqı uzaqgörən, ağı qaradan seçməyi bacaran xalqdır. Ə.İnsanovun kim olduğunu xalqımız yaxşı bilir və yerindəcə qiymətini verir. Əli İnsanov bu dövlətə, millətə və Qarabağımıza nankor çıxan adamdır. Zamanı gəldikdə layiqli cəzasını alacaq”.
Yeganə Bayramova
