Türkiyə Prezidenti Rəcəb Tayyib Ərdoğan ABŞ Prezidentinin mili təhlükəsizlik məsələləri üzrə müşaviri Con Boltonun görüş təklifini qəbul etməyib. SİA "Haber7"yə istinadən xəbər verir ki, Boltonun Ərdoğanla görüşmədən Türkiyəni tərk etdiyi bildirilir. O İbrahim Kalın, xarici işlər nazirinin müavini, MİT sədrinin müavini ilə görüşüb.
Məlumata əsasən o, eyni zamanda nazirlərlə də görüşməyib.
AKP fraksiya iclasından sonra TBMM-də jurnalistlərə açıqlama verən Ərdoğan bildirib ki, Boltonun həmsöhbəti prezident sözçüsü İbrahim Kalındı.
Ərdoğan Boltonu tənqid edib. Onun sözlərinə görə, Türkiyənin Suriyadakı kürdlərə qarşı mübarizə etdiyinə dair açıqlamalar böhtandır.
