"Aparıcı dövlətlərin Dağlıq Qarabağ münaqişəsi ilə bağlı mövqeləri nisbətən də olsa dəyişib”.
Bunu "Sherg.az”a açıqlamasında analitik Ehtiram Aşırlı deyib.
Siyasi ekspert bildirib ki, bunun başlıca səbəbi cənab Prezident İlham Əliyevin həyata keçiridiyi uğurlu siyasətdir:
"Xüsusilə də dövlət başçımızın 15 illik fəaliyyəti dövrünə nəzər salsaq, görərik ki, Prezident diplomatik bacarığı ilə münaqişənin Azərbaycanının ərazi bütövlüyü çərçivəsində həll olunması istiqamətində bütün gücünü səfərbər edib.
Əlbəttə, biz istəyirik ki, aparıcı dövlətlərin işğalçı ölkəyə qarşı səsləndirdikləri bəyanatlar sadəcə sözdə qalmasın, əməli olaraq da fəaliyyətə keçsinlər. Məhz o zaman Ermənistan çıxılmaz vəziyyətdə qalacaq və yeganə çıxış yolunu Azərbaycan torpaqlarının azad edilməsində görəcək.
Azərbaycanın xarici siyasətdəki əsas səylərindən biri, bəlkə də birincisi İrəvanı qəti tələb qarşısında qoymaq, düşmən ölkə rəhbərliyini çıxılmaz vəziyyətə salmaqdır.
Düşünürəm ki, bu prosesin reallaşması üçün Bakı qəti addımlar ataraq daha da irəliyə gedəcək. Yaxın zamanlarda Ermənistanda hökm sürən xaos və İrəvanın Qərb, Rusiya ilə olan münasibətlərindəki soyuqluq, gərginlik bizə imkan verəcək ki, İrəvanı qəti tələblər qarşısında qoyaq. O halda Ermənistanın yeganə xilas yolu Azərbaycan torpaqlarını tərk etmək olacaq”.
İsmayıl
