Keçən ilin iyulunda Türkiyədə dövlət çevrilişinə cəhd edən FETÖ terror təşkilatının "kassa"sı sayılan iş adamı Memduh Çıkmaz xüsusi xidmət orqanları tərəfindən tutulub.
Lent.az sözcü-yə istinadən xəbər verir ki, uğursuz çevriliş cəhdindən sonra qeyri-qanuni yollarla Sudana gedən və orada gizlənən M.Çıxmaz Türkiyənin milli kəşfiyyat İdarəsi olan MİT tərəfindən yaxalanıb və Türkiyəyə gətirilib.
Qeyd edək ki, M.Çıxmaz FETÖ-yə dəstək verən iş adamlarından olub və zamanla təşkilatın əsas pul kassasına, həmçinin, maliyyə axınlarına nəzarət edib.
