"Ali Baş Komandan İlham Əliyev Silahlı Qüvvələrin silah-sursat təminatı ilə yanaşı hərbçi-zabitlərin sosial problemlərinə diqqət yetirir”.
Bu sözləri "Sherg.az”a ehtiyatda olan polkovnik Şair Ramaldanov deyib.
O bildirib ki, hərbçilərin maaşlarının 10 faiz artması onların sosial problemlərinin həllinə yönəlib:
"Bu çox yaxşı haldır. Hərbçilər Ali Baş Komandana minnətdarlığını yüksək döyüş hazırlığı nümayiş etdirməklə təxribatların qarşısını alaraq ifadə edəcəklər.
Hərbçilərə bu qədər diqqət və qayğı göstərilməsi onların xidmət əhval-ruhiyyəsinə yüksək təsir göstərir. Azərbaycan Silahlı Qüvvələri peşəkar ordu olaraq, müxtəlif tədbirlər, paradlar keçirir. Silahlı qüvvələrin qurulmasının 100 illiyi dönəmində hərbi sahəyə diqqət bir qədər də artırılmalıdır”.
Qeyd edək ki, prezident İlham Əliyev Müdafiə Nazirliyinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşlarının artırılması haqqında Sərəncam imzalayıb. Sərəncama əsasən, Müdafiə Nazirliyinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşları 2018-ci il martın 1-dən orta hesabla 10 faiz artırılır.
Aysel Aslan
