Çin mediasının məlumatına görə itkin Malaziya təyyarəsi ilə əlaqədar ümid verən bir xəbər gəldi. Hind Okeanının cənubunda axtarış aparan Çin gəmisinin bir siqnal yaxaladığı bildirilir. Hazırda fəlakətin yerini tapmaq üçün araşdırma qrupları zamanla yarışır. Çünki 30 gün dolduğu an qara qutunun şarjı bitəcək və siqnal almaq qeyri-mümkün olacaq.
Quru qutu dedektörü yerləşdirilən "Haixun 01" adlı Çin araşdırma gəmisi Hind Okeanında bir siqnal yaxaladı. Ancaq siqnalın itkin düşən Malaziya təyyarəsinə aid olub- olmadığı hələ dəqiqləşməyib.
Son 3 gün təyyarənin tapılması üçün ən kritik günlərdi. Çünki təyyarədən bu günlərdə bir siqnal alına bilməsə bir daha siqnal tapma şansı olmayacaq. Qara qutunun şarj müddəti 30 gün olduğu üçün müddətin dolmasıyla qutudakı şarj da bitəcək.
Axtarış işlərinə 13 təyyarə və 11 gəmi qatılıb. Siqnal təsbit edici təchizata sahib gəmilər, batareyası bitmədən təyyarənin qara qutusunu tapmağa çalışır.
