Kürdəmirin Böyük Kəngərli kəndində kuryoz hadisə baş verib. Lent.az-ın məlumatına görə, rayonun fərdi yaşayış evlərinin birinin həyətinə qartal düşüb.
Məlumata görə, qartal əvvəlcə ona hücum edən həyət itinin gözlərini çıxarıb. Kənd sakinləri Əmirxan Abışov və Sərxan Hüseynov qartalı tutmaq istəyərkən əl və ayaqlarından, üzlərindən xəsarətlər alıblar.
Olay kənddə böyük rezonans doğurub. Az sonra məlum olub ki, sən demə, qartal kənd sakini Sadiq Kərimova məxsus imiş. Sadiq Məmmədov iki ay əvvəl qartalı boş torpaq sahəsindən ov zamanı taparaq öz həyətinə gətirib və bəsləyib.
Qartal dəmir qəfəsdən təsadüf nəticəsində çıxaraq uçub. İndi kənd sakinləri bu vəhşi quşun azyaşlı uşaqlara xəsarət yetirəcəyindən ehtiyat edir və quşun heyvanxanaya verilməsini istəyirlər. Qartalın sahibi isə onu götürərək öz evinə aparıb. Hazırda ayağı bağlı şəkildə saxlanılır.
